Qeneral Hecazi: məntəğə bo Amerkə noəmn bıə.

İroni Sepahe Ğuds təşkilati fərmondə canışin bə Amerkə prezidenti tojə iddio reaksiya nışoş do və votışe: əqə məntəğə bo Amerkə hərbiçion vey əmn bıə boçi əvon mətnəğəku fəror kardeydən?

Amerkə prezident Donald Tramp tojədən iddioş karde ki şəhi hac Ğasım Suleymani terrori bəpeşt məntəğə bo Amerkə vey əmn bıə.

Qeneral Seyd Muhəmməd Hecazi Tehronədə bərpo bıə Ğurbətədə Mucahidon nomo iclosədə votışe: ısət dınyoədə bıə Amerkə həmmə hərbiçion tars və dəhşətədən.

İroni Sepahe Ğuds təşkilati fərmondə canışin əlovəş karde: Amerkə pidəşe rə Əfğanistoni tərk ko, jığonə təcil nışo doydı ki əvon tarsi xoto iyən məntəğə noəmn videy qoronə fəror kardedən.

Qeneral Seyd Muhəmməd Hecazi amerkə izolasiya bey barədə fakton dəvomədə bə muğavimət cərəyoni idomə işarəş karde və votışe: bə təcrobəon əsos, dəvardə soronədə ə çi ki bə muğavimət cəhbə aid bıə səbarzəti və çəy muğabilədə bə dışmon rəsə ağibə rısvoçiyəti iyən məğlubiyət be.

İroni Sepahe Ğuds təşkilati fərmondə canışin məntəğə bəzi ərəbə kişvəron iyən sionist rejimi miyono əloğəon normalo bey barədə həm izhorış karde ki məntəğə mısılmonə milləton de jığonə hərəkəton muxalifin.

Ğurbətədə Mucahidon nomo iclos de Fələstini məsələ mehvəriyət və de məntəğəku muğavimət cəhbə nəmayəndəon işteraki zinə Tehronədə bərpo be.