İronədə 386 nəfər Koronavirusi qətə kəson mardən.

7000 nəfəriku vey Koronavirusi qətə kəson tojədən İronədə peydo bin, 386 nəfər həm de təəssufi mardən.

İroni səhiyyə vəzarətxonə elanış karde: dəvardə 24 saəti mıddətədə 7820 nəfər Koronavirusi tojə noxəş İronədə peydo bin ki çəvonku hələ 2417 nəfər hələ noxəşxonəonədən.

Bə oxonə raporti əsos, İronədə tosə bə ısət 612772 nəfər bə Koronavirusi mıbtəlo bıən ki dəvardə 24 saəti mıddətədə de təəsufi 386 nəfər Koronavirusi mıbtəlo bıə noxəşon ıştə coni dastiku doəşone ki qırd ısət ım pandemiya nəticədə mardə kəson miğdor bə 34864 nəfər rəsə.

Əmo de xoşbəxtiyəti İronoədə Korona noxəşon miqdoriku 481930 nəfəri hal-əhvol çok be və əvon noxəşxonəonku mırəxəs və ozod bıən.

Ərəbistonədə həm Koronavirus de şiddəti tələfot qəteydə, xəbə omə ım kişvərədə Covid-19 qətə kəson miğdor 347 həzo nəfəriku həm dəvarde.

Hindistonədə həm Koronavirus təğribən 123 həzo nəfəri coni qətəşe.

Tırkiyəku həm oxonə statestika nışo doydə ki Koronavirusi qətə kəson miğdor həmçenan vey bıdə iyən ım virusi nəticədə mardə kəson miğdor bə 10252 nəfər rəsə.

Dınyoədə Korona qəte kəson miğdor 46 milyon nəfər iyən mardə kəson ədəd həm 1 milyon 195 həzo nəfəriku vey bıə.

Amerkə de 9 milyon nəfər mıbtəlo iyən 235 həzo nəfəriku vey tələfot ijən həmməy statestikaon sədrədəy.