423 nəfər İronıj bə Koronavirusi mıbtəlo bey xoto mardən.
9000 nəfəriku vey bə Koronavirusi mıbtəlo bıə kəson tojədən İronədə peydo bin, 423 nəfər de təəssufi mardən.
İroni səhiyyə vəzarətxonə elanış karde: dəvardə 24 saəti mıddətədə 9450 nəfər Koronavirusi tojə noxəş İronədə peydo bin ki çəvonku 3070 nəfər hələ noxəşxonəonədən.
Bə oxonə raporti əsos, İronədə tosə bə ısət 673250 nəfər bə Koronavirusi mıbtəlo bıən ki dəvardə 24 saəti mıddətədə de təəsufi 423 nəfər Koronavirusi mıbtəlo bıə noxəşon ıştə coni dastiku doəşone ki qırd ısət ım pandemiya nəticədə mardə kəson miğdor bə 33832 nəfər rəsə.
Əmo de xoşbəxtiyəti İronoədə Korona noxəşon miqdoriku 515153 nəfəri hal-əhvol çok be və əvon noxəşxonəonku mırəxəs və ozod bıən.
Tırkiyəku həm oxonə statestika nışo doydə ki Koronavirusi qətə kəson miğdor həmçenan vey bıdə iyən ım virusi nəticədə mardə kəson miğdor bə 10831 nəfər rəsə.
Tırkiyə səhiyyə vəzarətxonə raportış doə ım kişvərədə təğribən 3 həzo nəfər çı Covid-19 qətə kəson hal-əhvol çok ni.
Dınyoədə Korona qəte kəson miğdor 49 milyon nəfər iyən mardə kəson ədəd həm 1 milyon 250 həzo nəfəriku vey bıə.
