480 nəfər İronıj Koronavirusiku mardən.

13000 nəfəriku vey bə Koronavirusi mıbtəlo bıə kəson tojədən İronədə peydo bin, 480 nəfər de təəssufi mardən.

İroni səhiyyə vəzarətxonə elanış karde: dəvardə 24 saəti mıddətədə 13421 nəfər Koronavirusi tojə noxəş İronədə peydo bin ki çəvonku 2837 nəfər hələ noxəşxonəonədən.

Bə oxonə raporti əsos, İronədə tosə bə ısət 801894 nəfər bə Koronavirusi mıbtəlo bıən ki dəvardə 24 saəti mıddətədə de təəsufi 480 nəfər Koronavirusi mıbtəlo bıə noxəşon ıştə coni dastiku doəşone ki qırd ısət ım pandemiya nəticədə mardə kəson miğdor bə 42941 nəfər rəsə.

Əmo de xoşbəxtiyəti İronoədə Korona noxəşon miqdoriku 576983 nəfəri hal-əhvol çok be və əvon noxəşxonəonku mırəxəs və ozod bıən.

Hindıston iyən Pakistaniku həm xəbə omə ki ım kişvəronədə Cocid-19 pandemiya vəziyət qıvonin bıə və bə mıbtəlo bıə kəson miğdor har ruj əlovə bıdə, fəğət Hindədə 9 milyon nəfəriku vey cəmaət Koronavirusi qətəşone.

Tırkiyəku həm xəbə omə ki ım kişvərədə anti Korona porotokolon iyən tədbiron icra bəbe və behroninə şəhron har ruj çand saət rəsmən tətil bəbe

Fələstin işğali əraziədə həm dəvardə 24 saəti mıddətədə 1251 nəfər bə Covid-19 virusi mıbtəlo bıən.

Dınyoədə Korona qəte kəson miğdor 56 milyon nəfər iyən mardə kəson ədəd həm 1 milyon 345 həzo nəfəriku vey bıə.

Covid-19 virusi barədə Amerkə həmçenan dınyoədə bıə noxəşon iyən mardə kəson statestikaon sədrədəy.