İron iyən məntəğədə bıə Covid-19 vəziyətiku oxonə xəbəron.

7603 nəfəriku vey bə Koronavirusi mıbtəlo bıə kəson tojədən İronədə peydo bin, 213 nəfər de təəssufi mardən.

İroni səhiyyə vəzarətxonə elanış karde: dəvardə 24 saəti mıddətədə 7603 nəfər Koronavirusi tojə noxəş İronədə peydo bin ki çəvonku 1157 nəfər hələ noxəşxonəonədən.

Bə oxonə raporti əsos, İronədə tosə bə ısət 1131077 nəfər bə Koronavirusi mıbtəlo bıən ki dəvardə 24 saəti mıddətədə de təəsufi 213 nəfər Koronavirusi mıbtəlo bıə noxəşon ıştə coni dastiku doəşone ki qırd ısət ım pandemiya nəticədə mardə kəson miğdor bə 52883 nəfər rəsə.

Əmo de xoşbəxtiyəti İronoədə Korona noxəşon miqdoriku 844430 nəfəri hal-əhvol çok be və əvon noxəşxonəonku mırəxəs və ozod bıən.

Əmmo məntəğədə bıə Koronavirusi barədə oxonə xəbəronku həm işarə karde lozime ki, Qurciston və Ermənistonədə Covid-19 pandemiya vəziyət har ruj qıvonin bıdə.

Tırkiyədə həm Koronavirusi rəvoc peydo karde ijən de şiddəti dəvom kardedə bə mardə kəson miğdor 17 həzo nəfəriku həm dəvarde.

Dınyoədə Korona qəte kəson miğdor 73 milyon nəfər iyən mardə kəson ədəd həm 1 milyon 644 həzo nəfəriku vey bıə.

Amerkə de 17 milyon mıbtəlo iyən 311 həzo nəfər mardə kəs, dınyoədə Korona virusi faciə statestikaonış heste.