İronədə Koronavirusiku oxonə xəbəron.

İronədə bıə Koronavirusi qətə kəsonku 934 həzo nəfəriku vey noxəşon hol-əhvol çok be.

Bə İroni səhiyyə vəzarətxonə raporti əsos, dəvardə 24 saəti mıddətədə 6021 nəfər bə Koronavirusi mıbtəlo bıə kəs İronədə ijən peydo bin ki çəvonku 906 nəfər hələ noxəşxonəonədən.

Tojə raportədə ğeyd be ki İronədə tosə bə ısət 1189203 nəfər Koronavirusi qətəşone ki de xoşbəxtiyəti noxəşon miqdoriku 933736 nəfəri hal-əhvol çok be və əvon noxəşxonəonku mırəxəs və ozod bıən.

De təəsufi 132 nəfər Koronavirusi mıbtəlo bıə İronıjə noxəşon həm dəvardə 24 saəti mıddətədə ıştə coni dastiku doəşone ki qırd ısət ım pandemiya nəticədə İronədə mardə kəson miğdor bə 54440 nəfər rəsə.

İronıjə anti Korona vaksiniku həm xəbə omə ki tosə bə ısət təğribən 30 həzo nəfər ım peyvəndiku istifodə kardeyro ıştə hozzo mandeyku xəbə dodən.

Koronavirusi reqional xəbəon barədə həm işarə kardənine ki, Tacikiston, Əfğaniston, Uzbəkiston, Ğerğiziston və Pakistonədə həm rəsə xəbəon Covid-19 pandemiya de şiddəti dəvom peydo kardeyku hikayət kardedə.

Əmo çı İnqilərə versiya yaxot modelış blı Korona tojə virusi peydo bey bəpeşt ısət xəbə omə ki ım virusiku i minnə nəmonəon Yaponiyaədə həm peydo be.

Azərbaycan Respublikaədə bıə Korona virusi maliyə ziononku tojədən prezident İlham Əliyev izhorış karde ki Covid-19 pandemiya təğribən 2 milyard dollar ım kişvəri turizm sənayeədə zərəlon bois bıə.

Əliyev eterofış karde ki ım kişvəri iğtisodi inkişof miladi 2020-ə sorədə bə 2 faiz nezi kam bıə.

Dınyoədə Korona qəte kəson miğdor 80 milyon nəfər iyən mardə kəson ədəd həm 1 milyon 750 həzo nəfəriku vey bıə.