995 həzo nəfəriku vey İronıjə Korona qətə kəson çok bin.

Dəvardə 24 saəti mıddətədə de təəsufi 114 nəfər Koronavirusi mıbtəlo bıə noxəşon İronədə ıştə coni dastiku doəşone ki qırd ısət ım pandemiya nəticədə mardə kəson miğdor bə 55337 nəfər rəsə.

İroni səhiyyə vəzarətxonə elanış karde: tojədən 6286 nəfər bə Koronavirusi mıbtəlo bıə kəs İronədə peydo bin ki çəvonku 702 nəfər hələ noxəşxonəonədən.

İronədə tosə bə ısət 1231429 nəfər Koronavirusi qətəşone ki de xoşbəxtiyəti noxəşon miqdoriku 995570 nəfəri hal-əhvol çok be və əvon noxəşxonəonku mırəxəs və ozod bıən.

Dınyoədə Korona qəte kəson miğdor 84 milyon nəfər iyən mardə kəson ədəd həm 1 milyon 828 həzo nəfəriku vey bıə.

Amerkə həmçenan mardə kəson iyən mıbtəlo bıə kəson cəhəto dınyo statestikaon sədrədəy.