Amerkədə siyasi rısvoçiyəti, senat parlamenti iclos sənibəton bino bıə.

Trampi tərəfdaron bə Amerkə senat parlamenti həmlə karde bəpeşt ki çandə iğtişoşon bois bıə, ısət xəbə omə ki polis və əmniyəti ğıvvon mıdoxiləon bəpeşt senatədə iclos ijən bino bıə ta tojə prezident səçeni nəticə təsdığ bıbu.

Bə royterz aqentiyəti raporti əsos, Donald Terampi tərəfdaron zinə rui bə Amerkə senat parlamenti həmləon bəpeşt, tojə iclos de Mayk Pensi rəisəti bino bıə.

Pens ki ıştən Trampi muavine rəsmən iğtişoşçion beğanunə hərəkəti və bə senat parlamenti həmlə məhkumış karde və bə ım ko əncom doə kəson notaş do ki ğənuni cəhəto təğib bəben.

Xəbə omə ki Amerkədə Terampi tərəfdaron zinə ruji şiddətinə eterazon iyən senat prlamenti qəte bois bıə ki demokraton kənoədə vey respublikaçion həm prezident səçeni barədə bıə Trampi iddio vədə ıştə muxalifətşon elan kon.

Jığo elan bıə ki zinə eterazon iyən bə Amerkə senat parlamenti Donald Trampi tərəfdaron həmlə nəticədə 5 nəfər əcumlə qıləy jen kıştə bıən.

Xəbə omə ki Vaşiqton Disiədə bo əmniyət iyən stabileti şərayeti hozzı kardero Amerkə mudafiyə vəzarətxonə həm bə Fedral əmniyəti ğıvvon komək karde holədəy.

Amerkə prezident Donald Tramp, ım kişvərədə tojə səçeni nəticəonış həman iminnə rujiku ğəbul nıkardışe və ıştə tərəfdaronış bə xiyoboni eterozon dəvətış karde.

Çəy nəzəku prezident səçenədə demokraton tərəfo de hevujə surəti beğanunə hərəkəton iyən nəticədə dast dəno əncom bıə.