Korona peyvəndi soxteyro İron iyən Kuba miyono əloğəon dəvom kardedə.

İroni səhiyyə vəziri muavin votışe: de İron və Kuba miyono mıştərək həmkarion vositə çand milyon doz Korona vaksini soxte imkan heste.

Bə İrib raporti əsos, Kiyanuş cəhanpur de ın xəbə elan karde votışe: İroni tərəfo 9 qılə anti Korona peyvəndi barədə təhğiğ poryekt hozzı bıə ki de diğğət bə Kuba tərəfo hozzı bıə 4 qılə loihə ısət 2 qılə kişvər karde bəznın qıləy mıştərək həmkari çərçivədə bə mıvəffəğ nəticəon dast peydo kon.

Cəhanpur əlovəş karde: Kuba de 150 həzo nəfəri səpe ıştə hozzı kardə bıə vaksini testi mərhələdə vey çokə mıvəffəğ nəticə-analizon bə dastış vardə, İron həm 3 minnə test mərhələdə bə 50 həzo nəfər ıştə istehsol bıə peyvəndi bəjəne.

Ğeyd kəmon ki dəvardə sori dekabri 29 İroni mıhəğğiğon tərəfo Kovo İron Bərekət nomo hozzı kardə bıə Korona peyvənd ıştə i minnə insoniyə test mərhələdə dovtələbon səpe imtivon bıə.