İron iyən Rusiyə miyono bıə mıştərəkə noğtəon.

İroni İslami şura məclesi rəis votışe: İron iyən Rusiyə miyono vey reqiyonal, 2 tərəfi və beynəl xalğ mıştərəkə noğtəon hestin.

Bə İrna raporti əsos, Muhəmməd Bağır Ğalibaf maskvaədə votıçe: Tehron- Maskva miyono bıə mıştərəkə noğtəon karde bəzıne bo 2 tərəfi həmkarion çokə zərfiyət və zəminəon icod ko.

İroni İslami şura məclesi rəis bə muxtəlif baxşonədə bıə 2 qılə kişvəri həmkarion inkişofi işarəş karde və təkid kardışe ki əloğəonədə bıə ehtemoli meşkilaton de mıştərək noğtəon həl karde bəbe.

Ğalibaf bə de Maskva həmkarion inkişof doe xoto İroni Yolə Rəhbəri steratejik nəzəon işarəş karde və votışe: ım səfəri qıləy muhimmə hədəfon Tehron-Maskva miyono bıə nakonə həmkari-əloğəon səth və miğdori dəvom doeye ki beynəlxalğ cəhəto təsiron jintonədə nibəmande.

İroni İslami şura məclesi rəis Muhəmməd Bağır Ğalibaf  de Rusiyə Dumay məclesi rəisi rəsmi dəvəti ımruj bə Rusiyə varid be, əv İroni Yolə Rəhbəri mesaji bə Putin bədoy.