Bə İron İslam inğilabi səbarzəti 42-nə sorəqardışi xoto təbrik.

Imruj Fevrali 10 iyən Bəhmənə manqi 22 minə ruj de İroni islamiyə inğilabi səbarzəti 42-nə sorəqardışi bərobəre, İroni inğilob miladi 1979-ə sori Fevrali 11ədə bə səbarzəti rəsə.

İroni millət har sor Bəhmənə manqi 22 ədə de yolə aksiya dəvoniye bə İroni İslami İnğilobi simvolon ıştə bəfodorəti nışo doydə bin ki ımsor Koronavirusi xoto və milləti səlomətəti oqəteyro İron İslam inğilabi səbarzəti 42-nə sorəqardışi mərosimon veyni sosyal şəbəkəon iyən de maşin və motor siklet paradi dəvoniyey bıə.

Imruj həmzəman islam inğilabi bə səbarzəti rəsə 42-nə sorəqardışi əsliyə mərasim, Fəcri Darujon mərasimi oxoədə Bəhmənə manqi 22-nə ruji bərnaməon həmzəman çı İroni muxtəlif vırəon iyən 63 qılə kişvəron bərpo be.

Imruj İroni millət ijən deştə əzəmətin və hərorətinə huzuri de İmom Xomeyni(r) və həzrəte Ayətullah Xamenei ıştə əhd və beyətışom ijən yojə kardışone.

42 sor çımi bə nav Hecri Şəmsi 1357 nə sori Bəhmənə manqi 12ədə bərobər de 1979 nə sori Fevrali 1 İroni islamiyə inğilabi təsis əkə Mərhum İmom Xomeyni(r) 15 sor vətəniku ixroc və dər bədər bey bəpeştə de İroni milləti əzəmətinə pişvozi bə Tehron varid be.

10 ruj ım daxıl bey bəpeştə yəni Bəhmənə manqi 22ədə(Fevrali 11) İroni əzəmətinə inğilab həm rəsmən səbarzbe.

Bə həminə mınosibəti xoto Bəhmənə manqi 12ku detosə 22, yəni bo 10 ruji mıddət İronədə vey məxsusə bərnoməon de Fəcri darujon onvani bərpo bıdə.

Əmmo ımsor bənə həmməy bə ico qırdə bıə mərosimon ki Korona virusi xoto muhdudiyətonış be, Fəcri Darujon həmməy məxsusə bərnamon həm de səhiyyəvi porotokolon rioyəti dəvoniyey bıə.