Koronavirusi barədə oxonə xəbəon.

dəvardə 24 saəti mıddətədə de təəsufi 58 nəfər Koronavirusi mıbtəlo bıə noxəşon İronədə ıştə coni dastiku doəşone ki qırd ısət ım pandemiya nəticədə mardə kəson miğdor bə 58809 nəfər rəsə.

İroni səhiyyə vəzarətxonə elanış karde: tojədən 7298 nəfər bə Koronavirusi mıbtəlo bıə kəs İronədə peydo bin ki çəvonku 557 nəfər hələ noxəşxonəonədən.

Bə həmnə raporti əsos, İronədə tosə bə ısət 1503753 nəfər Koronavirusi qətəşone ki de xoşbəxtiyəti noxəşon miqdoriku 1285014 nəfəri hal-əhvol çok be və əvon noxəşxonəonku mırəxəs və ozod bıən.

Dınyoədə Korona qəte kəson miğdor ısət bə 108 milyon nəfər rəsə iyən mardə kəson ədəd həm 2 milyono 400 həzo nəfəriku vey bıə.

Amerkə həmçenan dınyoədə bıə Korona noxəşon iyən mardəkəson statestikaon sədrədəy.