İraği Kazemeynədə bə imom Kazım(ə) zairon hucum

Xəbəriyə mənbəon zinə şanqo İraği Bəğdad ostani Kazemeyn məntəğədə bə dınyo şiəyon 7 nə imom Həzrət imom Musa Kazım(ə) zairon hucum bardeku xəbəşon doə.

Xəbəriyə mənbəon zinə şanqo İraği Bəğdad ostani Kazemeyn məntəğədə bə dınyo şiəyon 7 nə imom Həzrət imom Musa Kazım(ə) zairon hucum bardeku xəbəşon doə.

Xəbon çı hucumi nəticədə çandə nəfəri şəhodət və yarəjə beku hikayət kardə ki həzrət imom Musəbne Cəfər(ə) şəhodətə şəvi təşkil bə.

Bə xəbon əsosi , bə həzrət imom Musa Kazım(ə) zairon de dastə narencək iyən bomba hucum bə.

Bə bəzi mənbəon elanon əsosi terroristə şəxs ki bə imom Kazım(ə) zairon tərəfi bombaş ğandə be dastqir bə.

Im terroristiyə hucum Bəğdadı Əimmə pardı neziədə əncom bə.

İrağədə İŞİD terroristiyə qurupi məğlub be kənoədə ısət həm çı terroristiyə qrupi bəzi uzvon ım məmləkəti mıxtəlif vıronədə hucurışon heste və pərakəndə sorətədə terroristiyə əməliyaton əncom dodən.