Hindustaniku Korona vaksin bə İron varid be.

İroni qumrok idarə muavin elanış karde ki Hindustaniku Korona peyvəndi i minnə paket bə İron varid be.

Bə isna raporti əsos, Mehrdad Cəmal Əronqi votışe: ın məcmoə pəketonədə 150 həzo doza çı Hindustani anti Korona peyvənd heste.

İroni qumrok idarə muavin əlovəş karde ki bə nə dəvardə vığandə bıə peyvən pəketon ın məcnuə vaksin həm bə İroni səhiyyə vəzarətxonə təhvil doə bəy.

Ğeyd kardənine ki çimi bənav Korona vaksiniku şomil bıə 3 qıkə co məcmuə pəketin Rusiyə və çiniku bə İron varid bıə be.

İroni səhiyyə vəzarətxonə muavin Kiyanuş Cəhənpur çimi bə nav elan kardə be ki Kuba anti Korona peyvəndiku 100 həzo doza vaksin həm tojədən İronədə insoni mutaliə mərhələ dəvoniyero bə İron varid beydə.