Feyzbuk çı İranpres aqentiyəti səhifəonış dəbaste.
Apr 23, 2021 07:53 Asia/Tehran
İranpres nomo aqentiyətiədə Amerkə hərbi qəmion şikili muntəşir bey bəpeşt, Feyzbuk ın xəbə mərkəzi İnqilisi və Fransə zıvonədə bıə səhifəonış dəbaste.
Bə İrib raporti əsos, ım 2 qılə səhifəon dəvardə manqədə təğribən qırd 150 həzo kərə çəvon mıhtəvaonku diyə kardə bəy.
Ğeyd kardənine ki ım aqentiyəti tojədən çı Amerkə hərbi qəmionku həmonə şikilonış muntəşir karde ki İroni Sepah bepilotə təyyorəon Fars dıyoədə kəşə bin.
Asiya Ğərbədə bıə Amerkə terroristə ğıvvon(Sentkam) fərmondə Frank Məkkenzi tojədən Amerkə nəmayəndəon məclesi silohinə ğıvvon kamissiya tojə iclosədə eterofış karde ki İroni vədə çı Amerkə həvoədə hərbi ğabeliyəton vey kame və İron əmələn barzə vəziyətədəy.