Bə İŞİD vabəstə bıə 100 qələ çı Uzbəkistonıjə şahrvandon oqordoniye.
May 01, 2021 13:40 Asia/Tehran
Bə İŞİD vabəstə bıə 100 qələ çı Uzbəkistonıjə şahrvandon Suriyə şimol şərğiku bə ım kişvəri rəsmi şəxson təhvil doə bıən.
Bə Frans pres aqentiyəti raporti əsos, Suriyə rəsmi şəxson nəğliku elan bıə ki Uzbəkistoni xarıci vəzorətxonəku qıləy heyət bə Ğamişli şəhr omin ta həminə 100 qılə şahrvandi bə Uzbəkiston oqordoniye koon əncom bıdən.
Bə həminə raporti əsos, Uzbəkə şahrvandon dılədə 24 qılə jen iyən 68 qılə hırdən hestin.
Uzbəkiston və Rusiyə, əcumlə kişvəronin ki, Suriyəku ıştə şahrvandon oqordoniyero de Suriyə dıvləti həmkarəti karde holədən.
Tosə bəısət 240 nəfər çı Uzbəkistoni jen və hırdəon ki Suriyədə bıə İŞİD terroristə qrupi kənoədə bin, bəştə kişvər oqordoniye bıən.
Tags