Amerika bəbe Suriyə sulh mızakironədə iştirok nıko.

İroni xarıci vəzir, Suriyə sulh mızakironədə(Ğəzağıstoni Astanə şəhrədə) de Amerika nımoyəndəon huzzıu pəydo karde mıxalifətış kardə.

İroni xarıci vəzir, Məhəmməd Cəvad Zərif, Yanvari 17-ədə, Ğəzağıstoni Astanə şəhrədə bıə Suriyə sulh mızakironədə çı Amerika nımoyəndəon ihtimaliyə huzuri barədə bə Təsnim Aqentiyəti jurnalist votışe: İron bə Amerika dəvətnomə doəş ni ijən həmonə mızakironədə bə de Amerika huzzo pəydo karde mıxalife.

Çimiku bənav, Rusiyə xarıci vəzir, Serqey Lavrov elanış kardə, çı Amerika tojə prezident, Donald Terampi devləti nımayəndon bə Astanə sulh mızakiron dəvət karde şatəd çokə fik bıbu.

Həminə məsələ barədə xəbə omə ki ujnən Məhəmməd Cəvad Zərif və Serqey Lavrov, çı Suriyə oxonə vəziyət iyən otəş basti barədə ki dəvardə otəşbaston mığaysədə vey stabil mandə de yande telefoniyə əloğəşon be.

Siyasi mıxalifon iyən Suriyə devləti miyono Sulh mızakiron, de İron, Rusiyə və Turkiyə səy iyən vasitə Yanvari 23ədə, Ğəzağıstoni Astanə şəhrədə bərpo bəbe.

Im votımonon, Suriyə şımal məntəğədə bıə Hələb steratıjikə şəhrədə terruriston və bəvon himuyə əkə kişvəroni bənə Amerika, Ərəbeston və Turkiyə məğlubiyəton bə peştə ijən suriyədə umumi otəş basti ğəbul karde bğ peştə bərpo bəbe.