Zərif de Bəşar Əsədi vindımonış karde.

Dəməşğədə İroni xarıci vəzir de Suriyə prezidenti vindımonış karde iyən muxtəlif 2 tərəfi iyən mıştərıkə məsələon barədə votımonış karde.

Bə İrna raporti əsos, Muhəmməd Cəvad zərif ki bə Suriyə səfərış kardə zinə de Suriyə prezidenti Bəşar Əsədi vindımonış karde.

Zərif həminə vindımonədə Suriyədə prezident səçeni dəvoniye barədə kəşə tədbiron bə təğdiro loivış vinde və bə çəy muvəffəğə nəticəon umidəvo karde kənoədə ijən bə Suriyəku İroni komilə himoyəon təkidış karde.

İroni xarıci vəzir bə Fələstin işğali sərzəminonədə bıə Fələstinıjon həxədə sionist rejimi cinoyəton işarəş karde və de ın cinoyəton məhkum karde voditə tələbış be ki beynəlxalğ təşkilaton iyən islami həmkari təşkilat çı Fələstini millət iyən şərifə Ğudsi həz-huğuği rəsmi zıne kənoədə əy təğib kon.

Bəşar Əsəd həm lm vindımonədə de İŞİD mubarizə barde meydonədə İroni komək və himoyəon bə təğdiri loiğ bə hisobış varde iyən ısətnə vəziyət yəni Suriyədə səçen prezidenti astanədə və Fələstinədə behroninə şərayeti xoto İroni rəsmi şəxson ım səfəri vey əhəmmiyətin bə hisobış varde.

2 tərəfi əloğəon xususi iğtisodi iyən mədəni baxşonədə həmkarion həmçenin Suriyə bəzi şəhronədə İroni sərkunsulon oj karde, əcumlə cu məsələonku be ki ım vindemonədə Zərifi tərəfo bəyon be.