Tırkiyə iyən sionist rejimi miyono bıə muğaviləon ləğv bey barədə tələbon.

Tırkiyə respublika tələbə partiya tojədən de qıləy bəyaniyə sadir karde ım kişvər iyən sionist rejimi miyono bıə qırd muğaviləon ləğv bey tələbış karde.

Bə İrib raporti əsos, Tırkiyə dıvlıti vey yolə muxalifə partiya milli parlamentiku tələbış karde ki de əməli hərəkəton, Fələstini milləti zidd bıə sionist rejimi dəhşətinə cinoyəti vəy qətero Ankara və telavivi miyono bıə qırd saziş-muğaviləon ləğv ko.

Ğeyd kardənine ki Tırkiyədə hakim partiya ıçtə siyasətonədə rəsmən sionist rejimış ğəbul kardə və de ın rejimi 2 dimə rəftoron əmələn bois bıə ki vey ciddi problemon icod bıbu.

Çimi bənav Tırkiyə prezident Rəcəb Təyyeb Ərdoğan votəş be ki De israil əloğəon çok kardış pidə, hətto əqə ım ko Fələstinıjon tərəfo ğəbul kardənin nıbu.