Səudiyyə Ərəbıstonı Cəddə şəhrədə qullə ğande hadisə
Xəbəriyə mərkəzon Səudiyyə Ərəbıstonı ğərb Cəddə nomo bıə sahiliyə şəhri şərğiyə baxşədə Əlhərazat nomo bıə məntəğədə qullə ğande hadisəku xəbə dodən.
Bə Səudiyyə Ərəbıstonı xəbəriyə mərkəzon elani əsos SKY NEWS xəbəş do Səudiyyə Ərəbıstonı əmniyyətiyə ğıvvon Cəddə şəhri cənub Həy Əlhərzat məntəğədə qıləy bina dılədə hucum əkə silahlinə qrupi muhasirə kardən.
həmçinin həminə hadisədə nəşr bə şikilonədə qıləy qədə tıpımon həm muşahidə bedə ki jıqo bə nəzə rəsedə həminə dave nəticədə təşkil bə.
ım məsələ qıləy holədəy ki dəvardə iyolə manqi həm qıləy na məlumə odəm həm Cəddə şəhrədə Amerkə konsol mərkəzi neziədə tıpımonə maddə tıpnedə.
həminə hadisədə bomba noə şəxs kıştə və 2 qılə polis həm yarəjə bedə.
bomba tıpə vırə fasilə de Amerkə konsol mərkəz 20 metr bı.
Səudiyyə Ərəbıstonı siyasəton şəhrvandon oromə etirazinə mitinqon bə çərçivə eğandeyu bə çandə qılə etiraz əkə kışte və çandə da nəfəri yarəjə be bois bə.
