İroni şimol ğərbədə xeybəri fatihon hərbi təlim.

İroni ərtış zəmini ğıvvon fərmondə təkidış karde: İroni şimol ğərbədə xeybəri fatihon nomo hərbi manevr bərpo bəbe.

Bə İrib raporti əsos, qeneral Kiyumərs Heydəri votışe: ın manevr de maştə de İroni ərtış zəmini ğıvvonku çandə dastəon və ləşkəron iştiroki İroni şimol ğərbədə əncom bəbe.

İroni ərtış zəmini ğıvvon fərmondə əlovəş karde: ın hərbi təlimədə artileriya, zerehin, dron iyən elektronik canqiku təchizot və məxsus qurupon iştirok bəkanş ki hərbi hozzıətiro çı Ərtışi bəzi ğabeliyəton nımoyeş dodən.

qeneral Kiyumərs Heydəri həmçenin votışe: jığonə hərbi təlimon ki ın məntəğə ya xod co məntəğonədə dəvoniyey bıdə bə qıləy dəğiğə plani əsos heste ki de siloh, təchizot, hərbiçion və silohinə ğıvvon hozzıəti dəğiğ surəti zınıy hədəfi İron cuğrafiya və sərhəddon əmniyəti oqəteyro dəvom kardeydə.