İron və Ermənıstoni miyono həmkarion ziyod bəbe.

Ozodə məntəğəonədə iğtisodi həmkarion hevuj karde ijən sərmoyəon ziyod karde roon, məxsusən Ərəs və Meğri məntəğəonədə İron və Ermənıstoni miyono muzakirəon bərpo be.

Bə İrna raporti əsos, Ərəs ozodə məntəğə rəis iyən İronıjə ticari heyəti sərpərəst Mohsen Xadem Ərabbaği iyən Ermənıstoni sərmoyə noe və iğtisod vəzir, Soran Kariyan, Yanvari 28 ədə Ermənıstonədə mıloğatışon kardə ijən bə 2 qılə kişvəri miyono iğtisodi həmkarion təkidışon be.

Im mıloğatədə İron və Ermənıstoni ozodə məntəğəon miyono iğtisodiyə rabitəon hevuj karde ijən İroni Şərği Azərbaycanədə Ərəs ozodə məntəğə fəaliyəton ziyod karde bo Ermənıstoni inverstoronro məxsusən di təsərrufat, sənayie və xorakiyə məhsulon istehsal kardero sohbət və votemon be.

Ğeyd bıkəmon ki Meğri ozodə ticarət məntəğə Ermənıstoni Siyonik ostanədə və Ərəs ru kənoədə İron və Ermənıstoni sərhədədə ğərorış qətə.

Yanvari 27 ədə i qılə heyət çı İroni erməniyə nımoyəndəon Culfa şəhri rəsmion de Ərəs ozodə məntəğə rəsmion bə i co bo iğtisodi və ticari muzakirəon xoto bə Ermənıstan səfərışon kardə.