İordaniya ğərbiyə sahilədə qıləy fələstinıjə cıvoni şəhodət.

sionist rejimi hərbiyə ğıvvon bə İordaniya sahili ğərb hissə Cənin nomo bıə ordoqo qıləy fələstinıjə cıvoni şəhid kardən.

Bə Ğods Net xəbon əsosi sionist rejimi hərbiyə ğıvvon ımruj sıb İordaniya ğərbiyə sahilədə Cənin ordoqoədə bə fələstinıjon tərəf qullə ğandən.

ım qullə ğande hadisədə 19 sorə fələstinıjə cıvon Muhəmməd Məhmud Əbu Xəlifə bə şəhodət rəsedə və 5 qılə fələstinıj həm yarəjə bedən.

ım fələstinıjə cıvoni şəhodətəndə Ğodsı intifazə şəhidon ədəd bə 279 nəfər rəsə.

sionist rejimi hərbiyə ğıvvon həmçinin bə İordaniya ğərbiyə sahili coqlə məntəğon hucum kardeədə fələstinıjon və sioniston miyonədə yolə daveyon təşkil bedə.

sioniston çandə qılə fələstinıjə cıvoni həm dəstqir kardən və istintak kardeyu əvoni bə təhğiğ mərkəzon ovoştonedən.