Bə miqranton və islamçiyon əleyh çı Trampi siyasəton oşko bən.

Çı İroni xarıci vəzarətxanə beynəl xalğ və siyasi mıtoliə və təhğiğon mərkəzi islam və xarıciyə rabitəon hissə rəis votış: 7 qılə kişvəri şəhrvandon səfəri bə Amerika ğədəğən karde, de Donald Trampi bə mıhociron və islami zidd siyasəton əsos əncon bıdə.

Çı İroni xarıci vəzarətxanə beynəl xalğ və siyasi mıtoliə və təhğiğon mərkəzi islam və xarıciyə rabitəon heste rəis Muhəmməd Sadati Nejad bə İsna aqentiyəti votış: Amerika prezident həmmişə ıştə intixobatiyə şuaronədə islam və miğranton əleyh mubarizə karde təkid kardəş be.

Sadati Nejad təsdiğış kardə: əqəçı Tramp iddiyaş kardə bə terrorizm mubarizə karde ijən çı Amerika əmniyyəti təmin karde pidəşe, əmmo tojə dəstor və əmrədə bə bəzi kişvəronk ki çandə Amerikaədə terroristiyə əməliyaton əncom doəşone işorə bə ni.

Sadati Nejad əlovəş karde: İroni şəhrvandon bə Amerika səfər karde ğədəğən bey nışo doydə ki Amerika həmçınan de terrorizm mubarizə barde sahədə sadiğ ni və ojnən du votedə.

İroni xarıci vəzarətxanə beynəl xalğ və siyasi mıtoliə və təhğiğon mərkəzi islam və xarıciyə rabitəon hissə rəis təkidış karde: çı Trampi hədəfon peştədə bıə qıləy hədəf mığovimət cəbhə kişvəron əcumlə İroni təziiğədə noə və çəvonku imtiyoz se çərçivədə təhlil bıdə.

Donald Tramp dəvardə haftədə bə Amerika səfər kardero çandə kişvəron əcumlə İron, İrağ, Sudan, Sumali, liviya, Surayə və Yəməniku miqranton və şəhrvəndon səfəri bə Amerika ğədəğən elanış karde.