Rusiyə bə İroni ələyh sanksiyaon nəticəon barədə xəbərdorətiş do.

Rusiyə xarıci vəzir bə İroni ələyh ujnən sanksiyaon nəticəon barəde xəbə dorətiş do və elanış kardə ki Moskva pidəş ni bə İroni əleyh jıqonə təhrimon əncom və əməli bıbu.

Bə İrib raporti əsos çı Rusiyə xarıci vəzarətxanə silohon kontorol əkə idarə rəis Mixael Oliyanof bə İroni əleyh çı Amerika tojə təhrimon barde bə İnterfaks aqentiyəti votışe: ısətnə vəziyətdə və bə İroni zidd tojə təhrim və sanksiyaon icro və təsdiğ karde bəzne ətomiyə təvafuği cərəyonədə ciddiyə maneon icod bıkə.

Çı Rusiyə ım rəsmi şəxs əlovəş kardə: bə çəy xoto çəmə vindemon ıme ki ısətnə vəziyətədə bəpe jıqonə hərəkətonku diyə roəti karde.

Çımiku bə nav ğeyd bıə be ki çandə çı Amerika sənatoron qıləy plani hozzoşon kardə və bə konqres nımoyəndəon edaştəşone ta bə İroni əleyh tojə təhrim və sanksiyaon zəminə hozzı bıbu.

Bə həminə təhrimon əsos bə İroni Sepah təşkilati və Mihən İrano nomo bıə İronıjə kompaniya fəaliyəton əleyh məhdud əkə hərəkəton ijən sanksiyaon nəzədə qətə bıə.