De Rusiyə əloğəon inkişof doe bo İron muhimmə məsələy.

İroni xarıci vəzir votışe: har beynəlxalğ təhəvvolati bə kəno de Rusiyə əloğəon inkişof doe bo İron muhimmə məsələy.

Bə Fars aqentiyəti raporti əsos, Huseyn Əmiyrəbdullahiyan ki 3 şənbə bə Rusiyə səfərış karde de ın kişvəri xarıci vəzir Serqey Lavrofi vindemoni cərəyonədə votışe: Viyana muzakiron çərçivədə Rusiyə koməkon bə təğdiri loiğin.

İroni Xarıci vəzir ijən votışe ki ımruj vey çokə fırsət heste ta Ukrayna, Əföaniston, Yəmən, Suriyə iyən Fələstini barədə de Rusiyə muzakirə bıbu boçi ki canq har vırədə ki bıbu İron əy məhkum kardeydə.

Rusiyə xarıci vəzir Serqey Lavrov həm ın mulağatədə bə 2 qılə kişvəri miyono bıə ticarəti miğdor işarəş karde və bə tojə rekordon həminə cəhətədə bıə icod bıə hostonətion vey çok zınəş be və votışe: dəvardə sori mıddətədə İron və Rusiyə miyono ticorəti miğdor 80 faiz ziyod bıə.