İron iyən Çini miyono əloğəon inkişofiro ciddi irodəon.

İroni prezident de Çini mudafiyə vəzir vindemoni cərəyonədə təkidış karde: dıroz mıddətə steratejik həmkarionro İron və Çini miyono bıə həmkarion beynəl-xalğ təhəvvolatonku bə kəno dəvom peydo bəkarde.

Bə İRİB raporti əsos, İroni prezident Seyd İbrohim Rəisi de Çini mudafiyə vəzir Viyo Fenq vindemoni cərəyonədə bə 2 qılə kişvəri reqional və beynəl-xalğ erjinə əloğəon işorəş karde və votışe: de kişvəron kontoroli hədəf unilateralizm və sultətələbəti ki kişvəron inkişofi vədə mane icod kardeyro əncom bıdə fəğət de mıstəğil ğudrəton miyono həmkarəti jintonədə məhv kardənine.

Prezident rəisi bə İronədə bıə sərmoyə noe zərfiyəton işorəş karde və votışe: beynəlxalğ nəğliyot və tranzit, enerji iyən muxtəlif reğional məsəlon hestin ki əloğəonro vey çokə zəminəy.

Rəisi bə atom sazışiku Amerkə i tərəfi xaric bey işarəş karde və votışe: Amerkə dılış be ki de ın sazışi darşiye ironi çı fişari jintonədə ğəror bıdə əmmo ımruj rəsmən eterofış kardə ki anti İron makzimuf təziğ planədə məğlub bıə.

İroni prezident  təkidış karde: İroni millət nışoşon do ki de muğaviməti vositə bə hədəfon dast peydo kardey bəbe.

Çini mudafiyə vəzir həm ın vindemonədə təkidış karde: İron və çini miyono bıə əloğəon jığonə behroninə şəroyetədə ki dınyo və məntəğə təhəvvolaton vey həssos bıə karde bəzne bə dınyo sulh iyən əmniyəti komək bıbu.