Tosə İroni milləti həx-huğuği kamilən oqətey muzakirəon dəvom peydo bəkay.

İroni dıvləti sıxanəvot təkidış karde: İron islam Respublika tosə milləti həx-huğuği tam oqətey bə atom muzakirəon dəvom bədoy iyən bə dumo nibənışte.

Əli Bəhadori zinə de İrna aqentiyəti mısohibə cərəyonədə votışe: beynəlxalğ məsələon kənoədə İroni mizi səpe coqılə məsələ atom muzakirəonin.

Dıvləti sıxanəvot əlovəş karde: İron tosə ıçtə milləti mənafe tam oqətey iyən iğtisodi emtiyazon oqətey bə muzakirə dəvom bədoy iyən harcurnə siyasi diplomatik roon ki bə muzakirə komək bıko himoyədorəti bəkay iyən çı milləti həxi oqəteyro ciddi bəmande.

De anti İron zalimonə təhrim və sanqsiyaon ləğv kardey mehvəriyəti İron və ğərbiyon miyono bıə muzakirəon 8 minnə dıvrə Fevrali 8ku Viyanadə bino bıə.

İron vey kərə elanış karde ki Amerkə bənə atom sazışi ləğvəkə kişvəri bəpe de anti İron sanksiyaon ləğv kardey bə ın muğavilə oqardo peşo İron həm de sanksiyaon ləv bey prosses iyən dırıstəti imtivoni bəştə qiədə bıə koon əncom bədoy.

Qıle holədə ki Viyanaədə anti İron sanksiyaon ləğv kardeyro atom muzakirəon dəvom kardeydə, Amerkə tojədən bə İroni bəzi rəsmi şəxson iyən təşkilaton zidd tojə sanksiyaonış təsdiğ kardə.