Atom muzakiron vədə Amerkə mane icodış kardə.

İroni xarlci vəzorətxonə sıxanəvot bə Viyana muzakiron işorəş karde və votışe ki sazişi mətn imzoro hozzı bıə əmmo Amerkə muzakirə vədə mane bıə.

Səid Xətibzodə bə Əlmena kanali doə mısohibədə təkidış karde ki Amerkə siyasi ğərolon elanədə zəife iyən çəy tojə dıvlət həm de təəsufi rostəvujəti əvəzi bənə Trampi dıvlət əməl kardeydə.

İroni xarlci vəzorətxonə sıxanəvot votışe: əqə Amerkə tərəfo ciddi ğərolon muşahidə bıbu, rə əmə bə Viyana obəqardımon, əlbətə de şərtiki 4+1 həm çı Amerkə rəftori qarantiya bıkon.

Əv İron-Ərəbistoni miyono muzakiron barədə həm votışe: 2 tərəf ixtilofon kam kardey cəhətədə ko karde holədən iyən qıləy muhimmə məsələ həminə muzakironədə çı Fələstin millıti həx-huğuğ ğeyd bıə ki çəy barədə həm muzakiron dəvom kardedə.

De anti İron zalimonə təhrim və sanqsiyaon ləğv kardey mehvəriyəti İron və ğərbiyon miyono bıə muzakirəon 8 minnə dıvrə Fevrali 8ku Viyanadə bino bıə.

İron vey kərə elanış karde ki Amerkə bənə atom sazışi ləğvəkə kişvəri bəpe de anti İron sanksiyaon ləğv kardey bə ın muğavilə oqardo peşo İron həm de sanksiyaon ləv bey prosses iyən dırıstəti imtivoni bəştə qiədə bıə koon əncom bədoy.