İroni Sınniyə alimon de prezident Rəisi vindemon kardeşone.

İroni 20 nəfər sınniyə alim de İroni prezident Ayətullah Rəisi vindemon kardışone.

Bə İrna Raporti əsos, həminə vindemonədə sınniyə alimon ədolət baxşədə bıə İroni tojə dıvləti funqsiyaku ğədrdonəti kardışone və həminə mıvzo barədə sınniyə şahrvandon jimon iyən fik məşğuliyonku nuktəoni bəyon kardışone.

Dini və məzhəbi koonədə İroni prezidenti mışovir Mamusta Əbdussəlam Kərimi həminə vindemonədə çı İroni sınni alimon fik məşğulion və nəzəon təsdiğış karde və votışe: İroni 13 minnə dıvlət dıştə həmmə səy-cəhdon çı İroni sınni şahrvandon və sərhəddədə jimon kardə sınni saqkinon muşkilaton həlliro çimi sə əlovə cəhd bəkarde.

Mamusta Əbdussəlam Kərimi İronədə ğovm-məzhəbon miyono bıə vəhdəti qıləy adi və təbii məsələ bə hisobış varde və votışe: məzhəbon iyən ğovmon barədə İroni dıvləti mıvğiyət qətey və sterateqiyaon həmən İroni Yolə Rəhbəri nəzə və vindemone ki hamiyəşe əmə həmmə de yande bıvəmon.