Amerkə bumion məktəbxonəonədə çanda qılə cəmi qur peydo be.

İroni bəşər həxon sərkatib Amerkə bumion məktəbxonəonədə çanda qılə cəmi quri peydo bey reaksiyaədə təkidış karde: qıle holədə ki Amerkə tərəfo bəşər həxon vey hevuj surəti poymol bıdə, əmmo Amerkə ijən insonə həxon barədə co kəsonış nəsihət kardedə.

Bə İranpress aqentiyəti raporti əsos, Kazim Ğəribabadi, ıştə Tuvitter tojə mesajədə ğeydış karde: Amerkə bumi hırdənon ıştə ailəku co bin, bəştə inə zıvoni qəp jeyku məhrum mandin, çəvonku sue istifodə bıə, bəvon təcavuz be iyən oxoy sə cəmi quronədə dəkandə bin əmmo Amerkə ijən insonə həxon barədə co kəsonış nəsihət kardedə.

Tojədən Amerkə kişvəri vəzir Deb Halənd elanış karde: bumion məktəbxonəon tarixi barədə təhğiğon bəpeşt çandə cəmi qurun peydo bey bois bıə ki həminə məktəbxonəon 53 qılə vırədəy.

Həminə raportədə ğeyd be: həminə məktəbxonəonədə cismi, cinsi iyən pisixi cəhəto vey şiddətinə sue istifodəon əncom bıə ki bə fakton əsos tosə bə ısət 500 həminə məktəbxonəonədə 500 qılə hırdəni marde bois bıə.

Iştə ailə, zıvon iyən mədəniyətiku bumi hırdənon co kardey və bəvon icburi təlimon doe iyən nəhayətədə əvoni kışte çı Amerkə torixi vey siyohə fəsle ki Amerkə sərzəmini bumi soybon nəsli məhv kardeyro əncom bıə.