Bə Papa İroni Yolə Rəhbəri mesaj.

İroni hovzeye elmiyəon mudir Vatikanədə de dınyo katolikə məsihiyon lideri vindemonədə İroni Yolə RƏhbəri şifohi mesaji bəy votışe.

Ayətullah Əlirıza Əərafi ım vindemonədə  votışe: çımı səfəriku xəbədo bey bəpeşt Yolə Rəhbəri səlomış vığandə iyən şımə nakonə sabiğəon iyən de Latin Amerkə bıə əloğəon həmçenin islom və məsihiyəti miyono rabitəon zumand kardero səy-cəhdonış bə təğdiri loyiğ bə hisobış varde və təkidış be ki çəmə intizor ıme ki şımə ijən dınyo məzlumon həxiku mukafiuə kardey xususi Yəmən və Fələstinədə millətiku mudafiyə kardey roədə bəştə koon əlovə kənən iyən ojə-oşkorə səhihə mıvğiyəti ıştəniku nışo bıdənən.

Əv əlovəş karde: İoni Yolə Rəhbər intizorışone ki Fələstin milləti həxi oqəteyro koon əncom bıbu və çəy həl hukmən bə milləton sədoon əsos bıbu, qıləy səçen ki əslmandə rişədorə fələstinıjon de har dini əyo iştirok kon ta Fələstin əraziədə qıləy multi dini xıvand bıə dıvləti bə milləton həxon əsos təşkil bıbu.

Papa həm votışe: çımı səlomi bə Yolə Rəhbəri iyən İroni məcəe təğlidon bırosnən, əmə həm bə islami inğilobi həmmə bəyon kardə mətləbon bovəmandimon.

Zikr kardənine ki Papa Fransis Arqentiniyaədə moəku bıə iyən çan sor ın kişvərədə səryepiskof be.

İroni hovzeye elmiyəon mudir Ayətullah Əlirıza Əərafi  de dini şəxsiyəton iyən elmi mərkəzon dəvəti bə İtaliya səfərış kardə.