İroni islamiyə inğilobi yolə Rəhbəriku, dınyo Erməniyon Lideri ğədrdonəti.

Livanədə bıə yepiskof i minnə Aram de Beyrutədə bıə İron İslam Respublika mədəni vabəstə vindemonədə, bə İroni Ermənion ictima bıə İroni Yolə Rəhbəri diğğətiku ğədrdonətiş kardə.

Bə İRİB raporti əsos, zinə Beyrutədə zinə İron İslam Respublika mədəni vabəstə de dınyo Erməniyon Lider, Yepiskof i minnə Arami vindımonış kardə və dinon miyono votımonon çərçivədə məsihi və islami rabitəon zumand kardey royon barədə sıhbətış kardə.

Yepiskof i minnə Aram, İronədə bə Ermənion vey diğğətış kardə və bə çəvon iğtisodi, ictimai, mədəni və siyosi huğuğ diğğət kardey xoto İslamiyə inğilobi Rəhbəriku vey ğədrdonətiş kardə.

Dınyo Ermənion rəhbər, İnğilobi İslami Yolə Rəhbər və İroni millətiro ozavziye iyən bə inkişof rəsey urzuş kardə ta co kişvəronro İron İslam Respublika deştə siyosi və iğtisodi istiğloli vositə bə qıləy simvoli əvəz bıbu.

Dınyo Ermənion rəhbər həmçınin bə çand qılə zıvoni de “Ermənion kilsə” nomo bıə onvani muntəşir bıə ıştə tojə kitobiki ki bə farsi həm tərcumə bıə Livanədə İroni mədəni vabəstə təğdimış kardə.

Həmçınin Livanədə İron İslam Respublika mədəni vabəstə Huccətul İslam Sed Muhəmməd Rıza Murtəzəvi həm de diğğət bə istikbor və sionist rejimi xəbisə planon tərəfo dınyoədə məzhəbon miyono ixtilof icod kardey hərəkəton ki əncom bey holədəy, bo votımoni mədəniyəti icod kardeyro çı Ermənion Katolikos nomo mərkəzi cəhdonku ğədrdonətiş kardə.