Amerkə pidəşe Qurcıstanədə tojə hərbi baza bısoxto.

Qurcıstani mudafiə vəzir çın kişvərədə Amerkə tojə hərbi baza soxte barəde xəbəş do.

Bə İrna raporti əsos Qurcıstani mudafiə vəzarətxanə çın kişvəri mudafiə vəzir Lıvan İzoriya və hərbi ğıvvon mərkəziyə ğərorqoh fərmondə Vladimir Çapibaya bə Almaniya tojə səfər ijən Avropaədə çəvon de Amerika hərbion fərmondə Fredrik Benxodces və Avropadə Amerika hərbiyə ğıvvon təlimədə mərkəzi fərmondə Antoniyo Auoqosto mıloğat karde nəticəon işorəş kardə və xəbəş doe ki: Qurcıstanədə Amerika tojə hərbiyə baza bənə Almaniya Xoxanfelədə bıə hərbiyə baza bəbe ki Nato hərbiyə ğıvvon bə Əfğanestan vığande bənav əyo təlim doe bıdən.

Im raportdə əlovə be: Antoniyo Auoqosto bı nezonədə Qurcıstanədə Amerika tojə hərbiyə mərkəzi soxtero koon əncom doe xoto bə Qurcıstan səfər bəkay.

Vaşinqton və Tiflis dəvardə miladi sori oxonə rujonədə bo Qurcıstani hərbion təlim doe xoto qıləy 3 sornə bərnoməon icra karde xoto de yande bə təvafuğ rəseşon.