Əmirəbdullahiyan: diplomatiya pencə oj mandey bə İroni əctivə təşəbbuson xotoe.

İroni xarıci vəzir zinə qıləy Tuvitter mesajədə təkidış karde: Amerkə prezident Co Bayden karde nibəzne de ittihom iyən sanksiya ıştə i tərəfi vindemoni bəmə icbir ko.

Dəvardə haftə, və 3 manqo nimə mıddətədə Viyana muzakirəon bəpeşt, Doha muzakirəon İron və Amerkə miyono bərpo bıə. ım muzakirəon ğəyre mıstəğim surəti və de Avropa ittifoği xarıci siyasəti rəsmi şəxsi muavin Enrike Mora vositəçiyəti bərpo bıə.

Viyanaədə muzakirəon bə İroni muzakirəkə qrupi təşəbbusi xoto, vey bə inkişof rəsəşe, əmmo ğərbi tərəfonku bəhonəon xususi Co Bayden dıvləti bəhonəon bois bıə ki Amerkə dəvardə dıvləti ğəyre ğanuniyə hərəkəton əvəziro və makzimum təziğon dəvomiro həminə məsələ barədə bə Amerkə ciddiyəti şək icod bıbu.

Doha muzakirəonədə oxo bəpeşt, İron İslam Respublika xarıci vəzarətxonə sıxənəvot, Nasır Kənani ım muzakirəonədə İRoni əməliyatiyə təklifon iyən nəzəon bəyonış karde iyən mığubilə tərəf həm ıştə nəzəon bəyonış karde.

Nasır Kənani votışe: muzakirəon vəoməy mərhələ barədə, İron İslam Respublika aliyə muzakirəkə, Əli Bağıri iyən Mora de yande votımon bəkarden.

Bə İran Pres aqentiyəti raporti əsos, İron İslam Respublika xarıci vəzir, Husein Əmir Əbdullahiyan, ıştə Tvitterədə təkidış karde ki diplomatiya itərəfiyə caddə ni, ijən əlovş do: bə oxonə təvafuğ rəsey xoto, Amerkə tərəfiku təşəbbus və elastikəti iyən həğiğəton ğəbul kardey lozime.

İronİslam Respublika bənə təəhydinə kişvər, çand kərə elanış karde ki de diğğət bə ım ki Amerkə atomiyə sazışi rioyət nıkarde, Vaşenqtoni tərəfiku bəpe sanksiyaon ləğv bıbu və tojədən bə təvafuğon obəqardo iyən lozime ki amerkə təəhudon rostəti imtivon əncom bıbu.

Çımiku bənav həm İron İslam Respublika vəzir ıştə Tvitter səhifədə bə İyolə manqi 5 minnə ruji telefoniyə votımon de Avropa xarıci rəsmi şəxs Cozep Bprl işorəş karde ki ım votımonədə Əmirəbdullahiyan təkidış kardə be lm Amerkə kişvəre ki bəpe ğərol bıqəto, təvafuği pidəşe, ya bəştə itərəfiyə tələbon isror kardedə.