Həmkarion hevujəti, çı Ğalibaf iyən Mirzayevi vindemonon mehvər
Taşkəndədə, Uzbəkistoni prezident və İroni islamiyə parlamenti rəis, de yande vindemon iyən məntəğə muhimmə mıvzoon və dəvardəku vey 2 qılə kişvəri həmmə tərəfiyə həmkarion barədə votımon kardən.
Bə Fars aqentiyəti raporti əsos, zinə Uzbəkistoni prezident Şukət Mrziyayev de İroni islamiyə parlamenti rəis, Muhəmməd Bağır Ğalibafi vindemonədə muhimmə zəminəon barədə, bə İron və Uzbəkistoni 2 tərəfiyə həmkarion hevujəti iyən mıbodiləon əlovə bey təkidış kardə.
Im vindemonədə 2 tərəf, bə ticari mıbodiləon miğdori əlovə beyro çokə şəroyet icod bey, locestik və nəğliyot baxşədə mıştərəkə planon bə inkişof rosniye, ticarət və məntəğə səthədə rabitəon əlovə kardey və elmi və texniki mıbodilə bərnoməon icra bey məxsusə diğğət kardən.
Ğalibaf iyən Mirziyayev ijən de təvafuğə əməli icra bey iyən planon bə inkişof rosniye və mıtəğabil və çokə həmkarion əncom doeyro bə 2 qılə kişvəri parlamenti miyono çokə votımonon dəvomi təkidışon kardə iyən Əfğanıston kişvəri vəziyəti barədə, bə dıroz mıddətə sulh dast peydo kardey və həminə cəhətədə iğtisodi və ictimai obodəkə hədəfon bə vırə rosniye əhəmiyyəti təkidışon kardən.
Əlovə bə ım, Uzbəkistoni prezident Şukət Mrziyayev və İroni islamiyə parlamenti rəis, Muhəmməd Bağır Ğalibaf beynəlxalğə təşkilaton çərçivdə, 2 qılə kişvər mıtəğabilə həmkarion məsələon barədə de yande votımonışon kardən. ım məsələon əcumlə Səmərğənd şəhrədə, Şanxay həmkai təşkilati iclos be ki ğərore Sentiyabrə manqədə bərpo bəbe.
İroni islamiyə parlamenti rəis, İron İslam Respublika prezident, İbrahim Rəyisi səlom iyən səmimiyə urzoon bə Uzbəkistoni prezident vığandəşe iyən 2 qılə dustə kişvəri miyono rabitəon hevujətiro bə İroni bəfodorəti təkidış kardə.
İron İslam Respublika, Miladi 1991 minnə sori Dekabrə manqi 25 minnə sorədə, Uzbəkistoni istiğloli rəsmi zıneydə və Miladi 1992 minnə sori Mayə manqi 10 minnə rujədə, 2 qılə kişvəri miyono siyasi rabitəon icod bıə.
