İron çı İ Bıə Milləton bəşər həxon raporteriku tənğidış kardə.

Cımə şəv iyən qıləy Tvitter mesajədə, İron İslam Respublika ədliyə təşkilati bəşər həxon baxşi sərkatib, İ Bıə Milləton Təşkilati bəşər həxon xususi raporter Cavid Rəhmaniku tənğidış karde, Cavid Rəhman, bə İroni şahrvand Həmid Nuri ələyh İsveçi ədliyə ğeyre ğanuniyə hıkmiku himoyətış kardə.

Hicri şəmsi 1398 minnə sori Abanə manqi 18 minnə rujədə, (Miladi 2019 minnə sorədə Noyabrə manqi 9 minnə ruj) Həmid Nuri bə ıştə kinə problemon həlliro bə İsveç şə be ki de ım kişvəri əmniyyəti hərbion vositə dastqir bıə və təğribən 32 manq bəbe ki zindonədəy..

İsveç məhkəmə tərəfo, Nuri mıttəhəm bıə ki İronədə 34 sor çımi bənav iddio bıə hodisəonədə mıdoxiləş be, ın  iddio şikoyətəkəyon veyni mınofiğon terroristiyə qrupi uzvonin.

Pencşənbə rujədə, İsveçi məhlkəmə bə mınofiğon terroristiyə qruponi tərəfo jıə ittihamon himoyə kardey çərçivədə, Nuri bə həbse əbəd məhkumış kardə.

Bə İrna raporti əsos, İron İslam Respublika ədliyə təşkilati bəşər həxon sərkatib, qıləy Tvitterədə, bə Həmid Nuri ələyh İsveçi ədliyə hıkmiku, İroni koonədə İ Bıə Milləton Təşkilati bəşər həxon məxsusə raporteri himoyətiku tənğidış karde iyən nıvıştəşe: vey təəssufine ki Cavid Rəhman, bə İsveçi rəsmi şəxson etırozi əvəzo, iyən bəşər həxon rioyət nikardey xoto, cəvob doey əvəzi, oşko surət ım İroni şahrvandi nımoyeşiyə ədliyə iyən çəy dastqirətiku himoyə kardedə.

Ğəribabadi ıştə Tvitteri dəvomədə işorəş karde: oşkoə beədolətiku himoyətədə, Cavid Rəhmani mətbuatiyə bəyoniyə nışoş do ki çəy meyl ıme ki ıştə məmuriyətiku ki de İnqilisi himoyəti icod bıə sue-isifodə ko.

Həmçınin Cavid Rəhmani hədəf ıme ki İroni deşmənon rozi karde cəhətədə, və bə bəşər həxon əsliyə prinsipon rioyət nıkardey ğeymət qıləy dıjədə kampaniya icod ko.

İslamiyə inğilobi əvvəliku tosə bə ısət, mınofiğon terroristiyə qrup, terroristi muxtəlifə əməliyatonədə, 17 həzoku vey çı İroni şahrvandon terror kardeşone.

Im terroristiyə qrup de Amerkə, və çəy mıttəfiğon əcumlə İnqilis vey nezə rabitəşe.