Tehronədə bıə 10 kilometrə mehmonəti
Tehroni qıləy məşhurə xiyobononədə iyən bə Ğədir Xum nomo yolə idə ruji xoto 10 kilometrə mehmonəti məxsusə mərosim bərpo be.
Bə İranpress aqentiyəti raporti əsos, həminə mərosimədə bə Əhle-Beyt(ə)-i aşiğonku veyə dastəon Əliye-Əsrnomo bıə xiyobonədə hərorətinə iştirokışon be iyən şoə mərosimon dəvonişone.
In umumi mərosimədə İmo Əli(ə)-i həxədə himn, təvaşi iyən şeroni handə bəy və bo hırdənon və nocıvonon muxtəli hədyəon iyən sətasboney koon nəzərdəqətə bəy.
Çı İmom Əli(ə)-i mehmononku hə de muxtəlif nəzri xorəkon mehmondorəti bıə.
Çandə İroni və xarıci jurnaliston və fotoqerafon həminə mislış nıbə mərosimiku film-şikilon muntəşir kardışone.
Zinə Zil-Həccə manqi 18 iyən İyolə manqi 18 Mısılmonon vey yolə idonku qıləyni Ğədir Xumi bərəkətinə idə ruj be.
Ğədir Xum Məkkə iyən Mədinə miyono bıə qıləy məntəğəy ki İslami Peyğumbər(s) Həccətul-Vidaədə(ıştə əzizə umri oxonə Həccədə) dıyo şiəyon i minnə İmom, Həzrət Əli(ə)-i ıştəku bəpeş bənə İslamiyə umməti Vəli elanış kardə.
Həzrət Muhəmməd(s) ıştə oxonə Həcciku oqarde zəmonədə Həcc fərizədə həmmə iştirok kardə mısılmononış Ğədir Xum məntəğədə cəm kardeşe və həmonə məntəğədə Xıdo tərəfiku Həzrət Əli(ə)-i bənə ıştə Vəsi, Bıvə iyən ıştəku bəpeşt bıə İslamiyə umməti rəhbər elanış kardə.