Dınyo və məntəğədə bıə de İroni mehvəriyəti çand tərəfiyə həmkoəti

İroni kəşfiyot vəzir votışe: İron İslam Respublika karde bəzne dınyo və məntəğədə tojə çand tərəfiyə həmkarionro mehvər bıbu.

Bə İRİB aqentiyəti raporti əsos, İroni kəşfiyot vəzir, Sed İsmail Xətib bə Tehroni iclosi tojə nəticəon işorəş karde iyən əlovəş do: Tehroni iclos karde zınəşe məntəğədə İslami Respublika xarıci siyasəti iğtidor və İroni huşinəti nışo bıdə və İron karde bəzne məntəğə və dınyoədə, tojə çandtərəfiyə həmkarionro mehvər bıbu.

İroni kəşfiyot vəzir, Ərəbi-Ebəri cəhbə zumand kardeyro, bə Amerkəvıjə tojə xəbisə planon işorəş karde iyən əlovəş do: deşmənon cəhdışone ki məntəğəku Amerkə xarıc bey bəpeşt, sionist rejimi bənə İroni vədə mehvər ğəror bıdən, həmonə rejim ki ısət qıle holədə ki dıvlət və parlamentış ni, əmmo har ruj qıləy hodisə icod kardedə.

Xətib ıştə sıxənon idomədə votışe: deşmənon cəhd kardışone ki kişvərədə de anti inğilobi qrupon vositə noəmni icod bıbu, ki de kəşfiyot, hərbi, polis iyən ədliyə təşkilaton həmohənqi iyən inteqrasiya vositə, ım xəbisə planon benəticə bıən.