Əmirəbdullahiyan: xarıcion çı İroni reqional həmkarion vəy qəte əzınin

İroni xarıci vəzir zinə şəv de Kuveyt, İ bıə Ərəbə Əmirətion iyən Ğətəri xarıci vəziron co bə co telefoni votımoni cərəyonədə bə reqional həmkarion inkişofi təkidış karde.

De hamsuyə kişvəron həmkarion inkişof doe bənə İroni dıvləti xarıci siyasəti muhəmmə sterateqia İroni rəsmi şəxson tərəfo əncom bey holədəy ki bə çand tərəfə həmkarion təkid kardey çərçivədə İron və hamsuyə kişvəron muhimmə siyasəton miyonədə bəy diğğət bıdə.

Bə İranpress aqentiyəti raporti əsos, İroni xarıci vəzir Heseyn Əmirəbdullahiyan zinə şəv və de Kuveyt, İ bıə Ərəbə Əmirətion iyən Ğətəri xarıci vəziron co bə co telefoni votımoni bəpeşt iyən de İraği xarıci vəziri sıhbəron barədə qıləy Tvitter mesaji ğolibədə nıvışteşe: reqional iyən beynəlxalğ məsələon ijən əloğəon inkişofi barədə muzakirəon çı hamsuyəti lozimə məsələonin.

Əmirəbdullahiyan bə ım nuktə işorəş karde ki İron de hamsuyə kişvəron ıştə həmkarion inkişof bədoy və xarıcion həminə məsələ və sterateqiaədə mane bey karde əzı nin.

İroni xarıci vəzir çimi bənav həm təkidış kardə be ki məntəğə muşkilaton çı məntəğə kişvəron tərəfo həl bəbe və İron bo məntəğə kişvəron xəyr iyən çokə tale orzu kardedə.