İroni qolbal milli kamanda bə Asiya ğəhrəmonəti final mərhələ ovaşte.

Bəhreynədə bıə Asiya qolbal ğəhrəmonəti hənəkon dəvomədə zinə İroni qolbal milli kamanda de Yaponiya məğlub kardey vositə bə çempionati final mərhələ ovaşte.

Bə İranpress aqentiyəti raporti əsos, Bəhreynədə bıə Asiya qolbal ğəhrəmonəti çempionati hənəkon dəvomədə İroni milli kamanda mısobiğə zəmoni oxoədə de Yaponiya 6 bə 6 mısoviş karde əmmo əlovə bıə dəiğəonədə mıvəffəğ be de Milad Suri qoli vositə səbarz bıbu və bə final mərhələ bırəsi.

İroni qolbal milli kamanda muğəddəmə hənəkonədə de Avesteraliya, Cənubi kariya, Yaponiya iyən Taylən i qılə qurupədə be ki Avesteraliya və Tayləni bardey bəpeşt bə nimə final mərhələ roş peydo kardə be.