Bağıri Kəni: muzakirəon bə nəticə rosniyeyro, kali fikon iyən ideaonımone.

İron İslam Respublika ali muzakirəkə təkidış karde: muzakirəon bə nəticə rosniyeyro, kali fikonımone.

Viyanaədə muzakirəon bə İroni muzakirəkə qrupi təşəbbusi xoto, vey bə inkişof rəsəşe, əmmo ğərbi tərəfonku bəhonəon xususi Co Bayden dıvləti bəhonəon bois bıə ki Amerkə dəvardə dıvləti ğəyre ğanuniyə hərəkəton əvəziro və makzimum təziğon dəvomiro həminə məsələ barədə bə Amerkə ciddiyəti şək icod bıbu.

Bə Təsnim aqentiyəti raporti əsos, İron İslam Respublika ali muzakirəkə Əli Bağıri Kəni ıştə Tvitterədə nıvştəşe: muzakirəon cəm bekadeyro, həm mıhtəvo və həm zohir surətədə, bə kali fikon iyən ideaon rəsəmone ki vey rə pevlo bəbe.

Bağıri Kəni ıştə sıhbəton dəvomədə votışe: Avropa həmohənqəkə muzakirəon cəm bekardeyro, ıştə ideaon bəyonış kardə, İron İslam Respublika həm həminə məsələ barədə ıştə fikon iyən ideaon bəyon kardedə.