İroni Ərtışi həmmə ğıvvon komandir: ımrujnə canq, tərkibiyə canqe.

İron İslam Respublika ərtışi həmmə ğıvvon komandir təkidış karde: ımrujnə canq, tərkibiyə canqe.

Bə Ərtışi umumiyə rabitəon raporti əsos, zinə və hərbi universitədə və de universiti tələbəon dərsi bə oxo rosniye iclosədə, İron İslam Respublika ərtışi həmmə ğıvvon komandir Qeneral Sed Əbdulrəhim Musəvi təkidış karde: namə canqi baxşədə, deşmən deştə həmmə ğudrəti iyən veyə xərcon vositə, bə İroni ələyh hevujə mediyaiyə canqi plani əncom dodə.

Ərtışi komandir ijən əlovəş karde: tojə canqon ğərorqoh icod kardey, virtual fəzo, kiberi baxş əcumlə hərəkətonin ki de deşməni namə canqi muğabiləro istifodə bey holədəy.

Qeneral Musəvi həmçınin votışe: ımruj namə canq, muxtəlifə baxşonədə əcumlə ictimai, iğtisodi və siyasi baxşədə bənə tərkibiyə canqe. əqəçı namə canqədə, hərbi baxş oşko ni əmmo har ləzzə silohinə ğıvvon de komilə huşinəti deşmənon mışohidə kardən iyən ım baxşədə ıştə məmuriyəti diğğətinə surətədə əncom dodən.

İroni Ərtışi fərmondə ijən təsdiğış karde: bə Ərtışi təşkilati mədəniyət və mislış nıbıə insoni ğıvvə bərəkəti xoto, bə çokə vırə səmti hərəkət kardedəmon və de muşkilaton və sanksiyaon vıcudi, Ərtışədə və muxtəlifə baxşonədə bə çəşəçi muvəffəğiyəton həm rəsəmone.