Kənani: muzakirəon nəticə barədə, İroni nəzəon bə həmohənqəkə tərəf vığandə bıə.

Imru sıb, İron İslam Respublika xarıci vəzarətxonə sıxənəvot, Nasır Kənani sanksiyaon peqətey ehtımoliyə təvafuği navnıvışti mətn, və Amerkə cəvobi barədə İron İslam Respublika nəzəon vığandeyku xəbəş do iyən votışe: vığandə bıə mətn çı muzakirəon oxonə hədəf və çokə vindemonış bəbe.

Avqustə manqi 4 minnə ruj yəni Pencşəmbə rujiku, Avstriya paytəxt, Vyanaədə, anti İron zalımonə sanksiyaon peqətey muzakirəon tojə dıvrə bino bıə, və Avqustə manqi 8 minnə rujədə sə bıə. ım dıvrə muzakirəonədə Avropa ittifoği həmohənqəkə Enrike Mora səmtiku çand qılə təklif bəyon be.

Avqustə manqi 15 minnə ruj, Avropa təlkif doə mətni barədə, İron İslam Respublika ıştə məktub bıə cəvobi doşe. ım cəvodəbə atomiyə sazışi komil icra bey roy bəyon bıə və elan bıə ki əqə Amerkə reaksiya de elastikəti iyən realistəti bə ico bıbu, təvafuğ imnzo bəbe.

Avqustə manqi 24 minnə rujədə həminə mıvzo barədə Amerkə ıştə nəzəonış bə Avropa ittifoği doşe.

Bə İran Peres aqentiyəti raporti əsos, ımruj sıb İron İslam Respublika xarıci vəzarətxonə sıxənəvot elanış karde: Amerkə cəvobi qətey bəpeşt, İron İslam Respublika koşınosi qurup diğğətin surətədə ım cəvobi tədğiğ karde iyən muxtəlifə səthədə təğiğon bəpeşt, ıştən cəvobi nıvıştəşe və zinə şəv bə Avropa ittifoği həmohənqəkə vığandəşe.

Kənani ijən əlovəş karde: vığandə bıə mətn de muzakirəon sə kardey hədəfi çokə vindemonış bəbe.

Vyana votımononədə vey iştirokəkə kişvəron bə İroni ələyh ğəyre ğanuni və zalımonə sanksiyaon peqətey mehvəri əsos, muzakirəon vey rə sə bey pidəşone, əmmo bə ım vırə rəseyro, çand qılə muhimmə mıvzoon barədə ğrolon, bə Amerkə siyasi nəzəon vabəstəy.

İron İslam Respublika bənə qıləy təəhudinə kişvəri çand kərə elanış kardə ki de diğğət bə ım ki Amerkə təvafuği baxşon rioyət nıkardə, çən ım Vaşenqtone ki bəpe de sanksiyaon peqətey vositə, bə təvafuğon oqardo, və lozime Amerkə təəhudon barədə təhğiğ bıbu. həmçınin Tehron təkidış karde ki bə əvafuği oqardeyro hiç təcilış ni.