Bə İroni şahrvand, Həmid Nuri ələyh anti bəşər həxon məhdudiyəton dəvom

İsveç dıvləti anti bəşər həxon hərəkəton dəvomədə, İroni şahrvand, Həmid Nuri mutaliə iyən vəkil ixtiyor kardey həxiku həm məhrum bıə.

Dışəmbə ruj və 1 manqi mıddətədə qərd rabitəon ğət bey bəpeşt, Həmid Nuri muvəffəğ bıə 10 dəğiğə deştə ailə sıhbətko.

Im mıddətədə Nuri çı İsveçi karserədə zindoni be və deştə ailə hiç rabitəş nıbe.

Hicri şəmsi 1398 minnə sori Abanə manqi 18 minnə rujədə, (Miladi 2019 minnə sorədə Noyabrə manqi 9 minnə ruj) Həmid Nuri ıştə kinə problemon həlliro bə İsveç şə be ki de ım kişvəri əmniyyəti məmuron vositə dastqir bıə və təğribən 3 sor bəbe ki zindonədəy.

İsveç məhkəmə tərəfo, Nuri mıttəhəm bıə ki İronədə 34 sor çımi bənav iddio bıə hodisəonədə mıdoxiləş be, ın iddio şikoyətəkəyon veyni mınofiğon terroristiyə qrupi uzvonin.

Bə məhkəmə mediya raporti əsos, qıləy holədə ki Həmid Nuri məhkəmə iminnə sədo sadir bıə be və hakim bəy vəədə doə ki bə İsveçi prinsipon əsos, çəyhəxədə bıə kali məhdudiyən peqətəo əmmo bəyro əbədiyə həbsi sədo elani bəpeşt bo ım İronıjə şahrvandi məhdudiyəton vey şiddətin bıə.

deştə ailə rabitəon ğət bey, karserədə çəy həbsi dəvom, de həkim rabitəş nıbe və məhkəmə sədo tərcumə mətni çəy ixtiyorədə ğəror nıdoe həminə vey muhimmə məhdudiyətonku be.