İ Bıə Milləton Təşkilatədə bıə İroni tojə nımoyəndə de Qutreşi vindemon.

İ Bıə Milləton Təşkilatədə İroni tojə nımoyəndə ım təşkilati sərkatibi vindemonədə təkidış karde: de İ Bıə Milləton Təşkilat nezə həmkoəti və sazəndə rabitəon dəvomiro İron İslam Respublika vey irodəonışe.

Zinə çoşəmbə İ Bıə Milləton Təşkilatədə İroni tojə nımoyəndə de İ Bıə Milləton Təşkilati sərkatib Antoniyo Qutreş vindemonış karde iyən ıştə etebornomə bəy təğdim və rəsmi surətədə ıştə ko binoş kardə.

Im vindemonədə Əmir Səid İrəvani de İ Bıə Milləton təşkiloti nezə həmkoəti və sazəndə rabitəon dəvomədə bə İron İslam Respublika irorə təkidış karde xususi multilateralizmi zumand kardey, unilatelarizmi vədə moğabilə kardey iyən məntəğə bıhranon həl kardey cəhətədə.

İ Bıə Milləton Təşkilatədə İroni tojə nımoyəndə bə İron İslam Respublika zərfiyət və vırə işorəş karde iyən təkidış karde: Fars dıyo məntəğə kişvəron həmkoətion hevujəti, de məntəğə kişvəron sazəndə həmkoətion məntəğə əmniyyəti icod kardey, İroni xarıci siyasəti iminnə koonin.

İrəvani həmçınin bə ın təşkiloti sərkatibi rol iyən vırə işorə iyən tələbış karde məntəğə əmniyyət və sulhiro bəştə rol iyən vırə çok istifodə ko.

Im vindemonədə İ Bıə Milləton Təşkilati sərkatib həm məntəğə stabiləti və sulh icod kardeyədə bə İron İslam Respublika rol, və vırə işorəş karde iyən de İ Bıə Mİlləton Təşkilati İron İslam Respublika sazəndə rabitəon və həmkoəti xususi multilateralizmi siyasəton zumand kardeyədə vey ğədrdonətiş karde və bə ım həmkoətion dəvomi təkidış karde.

Qutreş həm Fars dıyo məntəğə əmniyyət və sulhi bə inkişof rosniyero ıştə hozzoəti elanış karde.