Anti İron mediaonro rısvoçiyəti; 25 rujədə 17 həzo qılə duə xəbə!

Çı ğərbion anti İron 5 qılə televezia kanalon 25 rujə funqsia nışo doydə ki əvon çı İroni iğtişoşon otəşi rost kardeyro 17312 qılə duə xəbə muntəşir kardəşone.

Bə Fars aqentiyəti raporti əsos, həminə təhğiğədə sobot bıə ki BBCkanal həminə fuqsiyaədə iyən duə xəbəon muntəşir kardeyədə i minnə vırə, İran İnternəşonal 2 minnə və Radio Fərda nomo şəbəkə həm 3 minnə vırədə ğəror qətəşone.

Anti İron kanalon həminə funqsiyaədə pesoxtə xəbon, xəbon əvəz karde, təhrif, xəbon yol ya qədə nışo doe iyən təlbis senarionku istifodə kardəşone.

Əvon co tərəf çı mərhum Əmini marqi illəti barədə təhğiğon barədə qəp jey və xəbə doeyku imtino kardəşone, İroni inğilobi milləti qırdbemon və aksiyaonku dəvardəşone iyən çı duə xəbon təkzib bıə fakton barədə qəp jedə nin.

Mərhum Əmini marq, İroni Yolə Rəhbəri marq iyən noxəşəti, Oşnəviy şəhri suğut, cıvonə kinə Nika Kərəmi iyən Şərif unuverseti barədə xəbon əcumlə 5 mətləbon iyən məsələonku be ki çı anti İron kanalonədə çəy barədə pesoxtə iyən duə xəbəon bə muxatəbon doə bəy.

In raportədə ğeyd blə ki anti İron kanalon miyonə surəti dəvardə 25 rujədə har 2 dəği i qılə du votəşone.