Rəyisi: de məntəğə təşkilaton təsirinə həmkoəti, İroni xarıci siyasəti iminnə koonin

İron İslam Respublika prezident muxtəlifə zəmononədə bə Hindistan okean kənoədə bıə kişvəron ittifoğədə Tehron vey çokə iştiroki işorə iyən təsdiğış karde: de məntəğə təşkilaton təsirinə həmkoəti, İroni xarıci siyasəti iminnə koonin.

Bə prezidenti məlumatərosnə mərkəzi raporti əsos, zinə Tehronədə İron İslam Respublika prezident, Sed İbrahim Rəyisi, Hindistan okean kənoədə bıə kişvəron ittifoği sərkatib, Səlman Əlfarisi vindemonədə, bə ım ittifoği uzv bıə kişvəron vey diğğətinə zərfiyəti işorəş karde iyən ım zərfiyətonku istifodə kardey cəhəto, bə ım ittifoği uzv bıə kişvəron veyə nezə əloğəon təkidış kardə.

Rəyisi ijən bə ım məntəğə mucudə zərfiyəton və coqrafiya baxşədə veyə cəmiyəti işorəş karde iyən Hindistan okean kənoədə bıə kişvəron rabitəon zumand kardey vey muhimm zıneydə və əlovəş karde: İron hozzoe ki de ittifoği uzv bıə kişvəron ıştə veyə zumandə təcrubəon bə iştirok bınə.

İron İslam Respublika prezident ijən bə ım ittifoği cur bə curə baxşonədə xanımon zumandətionku istifodə kardey təkid iyən təsdiğış karde: İronədə, İslamiyə İnğilobi bəpeşt soronədə, ictimai, elmi, mədəniyət və səlomət baxşonədə jenon vey muvəffəğiyəton bə dastışon vardə ki karde bəzne ictimaədə çı İroniıjə jeni təsirinə iştirokiku qıləy nımunə iyən simvol bıbu.

Im vindemonədə, Hindistan okean kənoədə bıə kişvəron ittifoği sərkatib Səlman Əlfarisi həm votışe: ım ittifoğədə, İron əktiv iyən vey təsirinə uzv bə hisb omeydə iyən ittifoğədə İroni rəisəti, vey fəxrin və muhimmə dıvrə be.

Əlfarisi, Hindistan okean kənoədə bıə kişvəron ittifoğədə, jenon zumandəti kumitə rəyisəti baxşədə, İroni vey təsirinə roliku ğədrdonəti iyən əlovəş karde: ın ittifoği texnoloqiya iyən zıney onemonədə, İron vey təsirin və barzə xıdməton təğdimış kardə.