Rəyisi: Əmniyyət, çı İroni millət iyən dıvləti sıə xətte

İron İslam Respublika prezident, kişvəri əmniyyət iyən oromətiş, bənə şəhid Arman Əliverdi bıə çand da iyən çand sa şəhidon xuni nəticəku zınəş be iyən votışe: Əmniyyət, çı İroni millət iyən dıvləti sıə xətte.

Tehroni oxonə iğtişoşon dumoədə, Əmniyyəti mudafiəkə şəhid, Arman Əliverdi şəhid bıə və zinə çəy pokə bədən de milləti hərorətinə iştiroki vositə təşyi bıə.

Bə İrna raporti əsos, İron İslam Respublika prezident Sed İbrahim Rəyisi de şəhid Arman Əliverdi ailə telefoniyə votımonədə, təsliyət votışe iyən ım bozorqvarə şəhidi bəsirət iyən ciqəmandəti sıtoyış kardə və əlovəş karde: ım zumand iyən ciqəmandə cıvoni şəhodət, kişvəri oroməti iyən əmniyyəti oqəteyro, fıdokorəti nışonəy və millət jıqo cihodəkəyon erji zıneydən.

İroni prezident, əmniyyətiku mudafiə kardey meydonədə, Şəhid Əliverdi iyən jıqo ğəyrətmandə cihodəkəyon iştirok, ilhaməbaxş zıneydə və votışe: ım bozorqvarə şəhid iyən co qılə əmniyyəti mudafiə kardə şəhidon xun, de kişvəri deşmonon həğiği zoti oşko kardey vositə, milləti veyə aqahəti və bəsirəti əlovə kardey bois bəbe.