Tacikistoni şairon bə İron və Tacikistoni mədəni i bey etırofışon kardə

Tacikistonədə de İroni mədəniyəti haftə bərpo bey həmzəman, Doşambə şəhrədə bəzi məşhurə şairon de İran Peres aqentiyəti ixtisosiyə votımonədə, Farsi şeri, çı 2 qılə milləti mədəni rabitə pard bə hisob vardışone.

Əskər Həkim, Tacikistoni şair bə İran Peres aqentiyəti votışe: zəmoni ki İron və Tacikistoni barədə sıxən vote bıdə, bəpe bə ım mədəniyəti i bemoni təkid bıbu, boçiki sərzəmini mıştərəkə məntəğədə həmmə torixi iyən mədəni əsəron bə ım 2 qılə kivşəri milləti məxsuse, və ım 2 qılə millət, hahidə vətən, zıvon və mədəniyəti soybin.

Əskər Həkim ijən əlovəş karde: zəmoni ki Rudəki, Ferdosi, Omər Xəyyam, Səədi, Hafez Şirazi və Kəmal Xəcəndiku sıxən votedəmon, İron və Tacikistoni milləti mıştərəkə sərzəmini muvəffəğiyətonku sıxən votey bıdə, və ım yolon bə dınyo bəşəriyət xıdmət kardəşone.

Həmçınin Tacikistoni ənıvışton ittifoği uzv, Mirza Şəkorzodə həm votışe: 50 qıləku vey kitobonədə Taciki-Farsi ədəbiyot iyən zıvoni barədəy, və vey xuşhalimon ki tojədən İron və Tacikistoni mioyono mədəniyəti rabitəon bəji bey holədəy.

Şəkorzodə ijən əlovəş karde: Tacikistoni istiğloli soronədə, Tehron iyən Doşambədə 100 qıləku vey kitob de İronıjon vositə, muntəşir bıə.

Hındostanədə həm Tacikistoni nakonə səfir de İran Peres aqentiyəti votımonədə təkidış karde: diplomatiya fəaliyəti zəmonədə, de iron İslam Respublika vey çokə rabitəmon be və ısət həm de İroni şairon çokə həmkoətimon heste.